Calvert Fu 符家浚 - 自動棄權 Song Information

Singer

Calvert Fu 符家浚

Song Name

自動棄權

Language

Cantonese

Add To Cart

Original Reference MV

Sheet Demonstration Video

Hugo's Sheet Music Demonstration Video: 自動棄權

Sheet Information

SheetID

891

Level

Lv Hugo

Performance mode

Solo

Notation

Stave Sheet

No. of Pages

4 Pages

Starting Key

Publish Date

2017-04-24

Price

USD7.55

Discount

Buy 4 Get 1
Buy 7 Get 3

Add To Cart

Sheet Demonstration Audio

Users Comment

@yeungalvin2186
今年先聽呢首歌真係好正，令我諗起好多以前嘅往事，容許我喺度廢up下。
以前中學讀書嘅我係個毒男，戴眼鏡、攣頭髮、皮膚油，讀書又唔係好，又冇乜朋友，自卑心好重。直到畢業我先至整理下自己，做負離子、戴Con，自問個樣反差都幾大。可以咁講，幾年之後大概19、20歲左右，有個中學同學結婚，呢個係少有聯絡嘅同學，所以佢都知我個樣變成點。佢邀請咗我去飲，差唔多全部中學同學都唔認得我，甚至我講埋名，佢哋都唔記得有呢個人。都正常嘅，以前都冇人留意我，就算講名都唔知係邊個。
到出嚟做嘢，輾轉做過幾間女性為主嘅公司，可能男同事比較少，我就變咗受注目嘅對象。我知道會有人討論我、談論我，甚至試過有幾個女同事同我表白。不過，自卑心係改唔到嘅，因為佢哋都幾靚，所以我都拒絕咗。有啲就算知道佢鍾意我，無feel我大多都唔理，咁佢地都冇再進一步向我表白，始終人哋係女仔。雖然我曾經同過公司同事拍拖，但都係自己追返嚟，同埋個性比較接近，因為我係唔鍾意蒲、鍾意留喺屋企嘅宅男。嗰陣直頭傳到我有個空姐女朋友，話我可以成日偷食、好花心，但其實根本冇啲咁嘅事。
直至有一次公司搞活動要搵幾個人組Team，我就遇見咗唔屬於我嗰層嘅同事。雖然本身知佢存在，但好少接觸，慢慢接觸耐咗，發現佢係一個好乖、好純品嘅女仔，真係好符合我鍾意嘅條件，隻不過可惜佢已經有未婚夫。或者你會覺得佢係個唔好嘅女仔，但其實我明白原因，因為同佢交心傾偈嗰陣，佢講過佢曾經患過血癌，嗰陣仲未成為男朋友嘅未婚夫（本身屋企有錢自己做生意）出錢醫返好佢，而且對佢真係好好，仲要係好完美、唔花心，隻係年紀大佢十幾年。個女仔有同我講過，其實佢根本唔係太鍾意佢，係因為性格唔夾同埋真係冇Feel，但佢知個男仔對佢好好，亦好專一，佢父母都好鍾意呢個男仔，所以佢半推半就一齊咗。好耐之前已經求咗婚，隻不過一直未結婚，就係因為佢真係唔想，佢唔想因為報恩而對住一個唔係太鍾意嘅人一生。中間我哋接觸得越多，其實大家都明白心意，隻要我開口，其實我就可以追到佢。